Басқарудағы адам факторы туралы психологиялық мақала

Басқарудағы адам факторы: тиімділік кілті

Қазіргі бизнес әлемінде табыс кездейсоқ нәрсе емес. Ол – тиімді басқарудың, шебер ұйымдастырылған жұмыс жүйесінің нәтижесі. Алайда, кез келген компанияның табысының негізгі іргетасы – адами элемент. Басқарудың түп мәні адамдардың мінез-құлқын, мотивацияларын және олардың жұмыс орнындағы қарым-қатынасын терең түсінуде жатыр.

Тиімді басқару – бұл тек тапсырмаларды орындау ғана емес, ол адамдардың әлеуетін үйлестіре отырып, олардың қабілеттерін барынша ашу. Басшы – ұжымның дирижері іспетті, ол әрбір қызметкердің мүмкіндіктерін тиімді пайдалануды ұйымдастыра білуі керек. Басқару психологиясы әр адамға жеке көзқарас ұстануға, оның ерекше қасиеттерін анықтап, ынталандыруға көмектеседі. Ұйымдағы коммуникация – басқарудың тірегі. Басшы ақпаратты нақты жеткізу, сындарлы кері байланыс орнату және ашық диалог қалыптастыру қабілетіне ие болуы тиіс.

Өзгерістер – бизнестегі ажырамас бөлік. Оларды басқару үшін басшы өзгерістер психологиясын түсініп, қызметкерлердің сенімін нығайтып, жаңа мүмкіндіктерге жол ашуы қажет. Басқару қатаң бақылау емес, ол адамдардың бірлесіп жұмыс істейтін, үйлесімді жүйе құратын жағдай жасау өнері. Адами мінез-құлық психологиясын ескере отырып жасалған басқару жүйесі жоғары өнімділікке, қызметкерлердің қанағаттануына, шығармашылық идеялардың туындауына және жанжалдардың оңай шешілуіне ықпал етеді.

Басқару психологиясын меңгеру – табысқа жетудің басты шарттарының бірі. Әл-Фараби атындағы Қазақ Ұлттық Университетінің магистранты ретінде біз бұл пәннің маңыздылығын жете түсінеміз. Осы сала бойынша білімімізді тереңдетіп, тиімді басқарудың заманауи үлгілерін үйретіп жатқан Назираш Сүлейменқызы Жұбаназароваға алғысымыз шексіз. Сабақ барысында біз басқару модельдерін құрып, туындайтын қиындықтарды шешу жолдарын бірге талқыладық. Оның айтуынша, мотивация – басқару жүйесінің негізі. Мотивация қызметкерлердің жұмысқа деген ынтасын арттырып, олардың шығармашылық қабілеттерін дамытуға ықпал етеді.

Басқарудың адам факторына негізделуі – бұл тек сәтті шешім ғана емес, ол ұзақ мерзімді табысқа жеткізетін жол. Басқару өнері – адамдардың әлеуетін ашып, оларды ортақ мақсатқа жұмылдыра алатын шеберлік. Бұл өнер компанияның жетістігін айқындайтын ең басты құндылық болып қала береді.

Жубаназарова Н.С.

Әл-Фараби атындағы ҚазҰУ,

психология ғылымдарының кандидаты, профессор м.а.

Адилова Э.Т.

Әл-Фараби атындағы ҚазҰУ

Жалпы және қолданбалы психология кафедрасы,

PHD доктор, доцент м.а