Бір және көп заттарды салыстыру ашық сабағы

Ұйымдастырылған оқу қызметінің конспектісі

«Қуыршақ» ортаңғы топ

Күні: 05.09.18.

Тәрбиешінің аты-жөні: Аймаганбетова К.Т.

Білім беру саласы: Таным

Бөлімдері: Қарапайым математика ұғымдарын қалыптастыру

Тақырыбы: «Бір және көп. Заттарды биіктігі, ұзындығы, ені мен қалыңдығы (жуандығы) бойынша салыстыру».

Көптілділік: бір-один-one, екі- два-two, үш- три-three, ұзын-длинный, қысқа-короткий, биік-высокий, аласа-низкий, жуан-толстый, жіңішке-тонкий

Көрнекілік: жолақшалар, доп, машина, қуыршақ

Әдіс-тәсілдер: түсіндіру, көрсету, сұрақ-жауап.

Күтілетін нәтиже:

Қайталайды: заттарды биіктігіне, ұзындығына қарай бөліп айтады;

Түсінеді: биіктігі, ұзындығы, ені, қалындығы бойынша салыстыруды;

Қолданады: биіктігі, ұзындығы, ені, қалындығы бойынша заттарды салыстыруды.

Ұйымдастырулы оқу қызметінің өткізілу барысы:

Ұйымдастыру-қозғаушы қызметі. Түрі.

Мақсаты: ұйымдастырылған оқу қызметіне деген қызығушылықтарын ояту.

«Тосын сәт»

Балаларға математика ханшайымынан бізге хат жіберіпті, онда тапсырмалар беріпті.

Тапсырмаларды орындаймыз ба?

Ұйымдастыру-іздестіру.

Мақсаты: бір, көп заттарды салыстыру. Заттарды ені, биіктігі мен жуандығы бойынша салыстыра білуді бекіту.

1-тапсырма:

«Көп және біреу» Ойынның мақсаты: көп және біреу қатынастарын білуге үйрету; заттардың тең, тең емес топтарын салыстыру. Ойынның құрал-жабдықтары: ойыншықтар. Ойынның мазмұны: көп зат және бір заттарды бөліп, екі жаққа қояды. 2-тапсырма: «Салыстыр» тапсырма-жаттығуы

Баланың қолына жуандығы бірдей, ұзындығы әр түрлі екі таяқша немесе жауандығы әр түрлі, ұзындығы бірдей екі қарындаш ұстатады. Қай таяқша ұзын немесе қысқа , атауды ұсынады.

Сергіту сәті:

Орнымыздан тұрайық

Бойымызды жазайық

Бір отырып, бір тұрып,

Демалып бір алайық.

3-тапсырма: «Не қандай?» тапсырма ойыны

әр баланың қолында үлкен және кіші 2-3 жұп ойыншық – доп, машина, қуыршақ және т.с.с. болуы тиіс.

Тәрбиеші оң қолымен үлкен допты, сол қолымен кіші допты көтеруді сұрайды; үстел бетімен кішкене машинаны төменнен жоғары, үлкен машинаны жоғарыдан төмен қарай жүргізуді ұсынады.

Көптілділік: бір-один,one, екі- два, two, үш- три, three, ұзын-длинный, қысқа-короткий, биік-высокий, аласа-низкий, жуан-толстый, жіңішке-тонкий

Рефлексивті-түзетушілік.

Мақсаты:

Балалар сендер математика ханшайымының тапсырмаларын өте жақсы орындадыңдар. Жарайсыңдар.