Күн тәртібі тақырыбына ашық сабақ жоспары 1 сынып

Сабақ тақырыбы:

Күн тәртібі

Мектеп: №11

Күні :

Мұғалім:Смаилова Назгуль Жанбырбаевна

СЫНЫП: 1В

Қатысқандар саны:

Қатыспағандар саны:

Оқу мақсаты:

Барлық оқушылар:күн тәртібін сақтаудың маңыздылығын түсіну;

Оқушылардың басым бөлігі:.өз жеке күн тәртібін құрy.

Кейбір оқушылар:өз жеке күн тәртібін әңгімелеп береді

Тірек сөздер:

таң – утро – morning; күн – день – day; кеш – ночь – evening;

күн тәртібі – режим дня – daily schedule; демалыс күні – выходной – weekend.

Ресурстар:

Қораптағы сағат, «КҮН» сөзі, «Т, Ә, Р, Т, І, Б, І» қима әріптері, М.Тынышбаев, Т.Әубәкіров, Т.Мұсабаев, И.Ильиннің портреттері бар таныстырылым, топ санына қарай күн тәртібі кезеңдері бейнеленген суреттер, әрқайсысына бір жағы қызыл, екінші жағы жасыл түсті дөңгелек сигнал белгілері салынған А3 парақтары.

Сабақтың мақсаты:

1.1.2.4 күн тәртібін сақтау маңызын түсіндіру және күн тәртібін құру

Сабаққа байланысты деректі материалдар

Сабаққа қатысты ескертпелер

Денсаулық сақтау мен нығайту шарттарының бірі– мүлтіксіз орындалатын күн тәртібі. Күн тәртібін сақтау кез-келген жұмысты анағұрлым жеңілдетеді, денсаулықты сақтау үшін адам ағзасының барлық мүмкіндіктерін көбірек қолдануға мүмкіндік береді. Күн тәртібі – бұл тәулік бойы қызмет пен демалыстың барлық түрлерін тиімді бөлу. Күн тәртібін сақтайтын адамдар көбірек іс тындырып,аз шаршайды. Күн тәртібі адамды ұқыптылыққа, тәртіптілікке, жауапкершілікке үйретеді. Бұған әйгілі адамдардың қызмет жетістіктері дәлел болады. Мысалы:

ғарышкерлер Тоқтар Әубәкіров (1946 ж. 27 шілде) және Талғат Мұсабаев (1951 ж. 7 қаңтар); зілтемірші Илья Ильин (1988 ж. 24 мамыр) – екі мәрте олимпиада чемпионы (Пекин – 2008,

Лондон – 2012). Оқыған және жұмыс істеген жылдары олар жұмыс және күн тәртібін сақтауға үйренді, соның нәтижесінде үлкен табыстарға қол жеткізе алды.

Күн тәртібінің негізгі элементтерінің бірі ұйқы болып табылады. Ұйқы – біздің өміріміздің қажетті бөлшегі. Ол ой мен денеге табиғи жолмен демалуға және өз қызметін қалпына келтіруге көмектеседі. Дұрыс ұйқы жұмыс қабілеттілігінің маңызды шарты. Күнде бір уақытта ұйқыға жатып, тез ұйықтап қалу әдетін қалыптастырған дұрыс. Ұйқының ұзақтығын қадағалау қажет: кіші сынып оқушылары ауасы тазартылған бөлмеде кем дегенде 10 сағат ұйықтауы қажет.

Тосын сый. Алдын ала сағат салынған қорапта не бар екенін білмеуі тиіс. Оларға «құпиясы» бар қорапты көрсету және ішінде не бар екенін сұрау.

Жұмбақ: Уақытты өлшеп, санап, таппайды бір тағат. Бұл не?. Оқушылар қорапта не бар екенін тапқаннан кейін сағатты көрсету және сағаттың не үшін қажет екенін сұрау. Сағаттың көмегімен уақытты өлшейді..

Әңгіме құрастыр. Оқушыларға бұдан әрі барлық іске үлгеру үшін уақытты бағалай біліп, уақыт құпиясын түсіну маңызды екенін хабарлаңыз. Уақыттың негізгі құпиясын білгісі келетіндігі туралы сұрау. Сынып қабырғасында шашыратып ілінген «Т, Ә, Р, Т, І, Б, І» әріптері, тақтада «КҮН» сөзі ілініп тұр. Оқушылардың сөзді жинап, хормен оқуын сұрау. Күн тәртібі туралы не білетінін сұрау. Оқулықтың 6-бетіндегі мәтінді оқу. Оқушылар оқулықтың «Әңгіме…