Математика 6 сынып Рационал сандарды салыстыру

Сабақ жоспарының үлгісі

Ұзақ мерзімді жоспардың тарауы: 6.1В Рационал сандар және оларға амалдар қолдану

Мектеп:

Күні:

Мұғалімнің аты-жөні: Дамира Жаулибаевна Айгалиева

Сынып: 6

Қатысқандар:

Қатыспағандар:

Сабақтың тақырыбы

Рационал сандарды салыстыру/1-сабақ/.

Оқу мақсаттары (оқу бағдарламасына сілтеме)

6.1.2.8 бүтін сандарды салыстыру;

рационал сандарды салыстыру;

Сабақтың мақсаты

бүтін және рационал сандарды координаталық сәуледе орналасу ретін, салыстыру ережелерін, біледі, бүтін және рационал сандарды ажырата алады, есептің шарттың толық түсінеді;

есептер шығаруда теңсіздік белгілерін, рационал сандарды салыстыру ережелерін қолдана алады, есеп мәтіні бойынша қажетті сызбаны салады;

есептерді шешуде, зерттеу жүргізіп, талдайды;

Бағалау критерийі

Білу: бүтін және рационал сандардын координаталық сәуледе өзара орналасу ретін, салыстыру ережелерін біледі;

Түсіну: бүтін және рационал сандарды ажыратады, есептің шарттын дұрыс түсінеді;

Қолдану: теңсіздік белгілерін, рационал сандарды салыстыру ережелерін есептер шығаруда қолданады, есеп мәтіні бойынша қажетті сызбаны салады;

Талдау: есептерді шешуде, зерттеу жүргізіп, талдай отырып, рационал сандарды салыстыру ережелердің көмегімен есептің дұрыс шешімін табады,

Тілдік мақсаттар

Рационал сандардын мағынасын түсіндіреді;

Бүтін және рационал сандарды салыстыру ережесін тұжырымдайды;

өз ой-идеяларын негіздеп, көпшілікке жеткізеді.

есептің шығару жолын түсіндіре алады;

тақырып бойынша ұғымдары мен терминдерін түсінеді және қолданады;

есеп мәтіні бойынша қажетті сызбаны салады;

сызбада берілген элементтерін сипаттай алады;

Пәнге тән лексика мен терминология:

- оң санды нөлмен салыстыру;

- теріс санды нөлмен салыстыру;

- екі оң санды салыстыру;

- екі теріс санды салыстыру;

- таңбалары әр түрлі рационал сандарды салыстыру;

- модульдің қасиетін қолдану;

- салыстырудың заңдылықтарын қолдану;

- анықтама бойынша салыстыруды орындау.

Диалог пен жазу үшін пайдалы сөздер мен тіркестер:

- кез келген оң сан 0-ден үлкен;

- кез келген теріс сан 0-ден кіші;

- кез келген оң сан теріс саннан үлкен;

- теріс сандарды модульдері бойынша салыстыру;

- рационал сандарды координаталық сәуленің көмегімен салыстыру;

- координаталық сәуледе оң жақта орналасқан сан үлен болады ...; - сандарды өсу ретімен жазу;

- сандарды кему ретімен жазу;

Құндылықтарға баулу

«Мәңгілік Ел» жалпыұлттық идеясының құндылықтарына сай, индустрияландыру мен инновацияларға негізделген экономикалық өсу; тарихтың, мәдениет пен тілдің біртұтастығы, Қазақстан тәуелсіздігі және Астана; «Рухани жаңғыру» аясында белсенді азаматтық ұстанымы бар және кіші отанының тарихына, мәдениетіне, салт – дәстүріне құрметпен қарайтын, Қазақстанның өркендеуіне үлес қоса алатын патриот тұлға; Қоғамымыздың ұлттық бірлік, бейбітшілік пен келісім, қарым-қaтынас жасау қабілеті, «Жалпыға бірдей еңбек қоғамы» құндылығы: ынтымақтаса жұмыс істеуге , бірін-бірі құрметтеуге, өмір бойы білім алуға тәрбиелеу.

Пәнаралық байланыс

Өлкетану, жаратылыстану, география, тарих.

Тақырып бойынша алдыңғы білім

Оң және теріс сандар. Координаталық түзу. Қарама-қарсы сандар. Бүтін және рационал сандар. Санның модулі.

Сабақ барысы

Сабақтың жоспарланған кезеңдері

Сабақтағы жоспарланған жаттығу түрлері

Ресурстар

Сабақтың басы

5 мин

Ұйымдастыру: амандасып, оқушылардың көңіл-күйлерін анықтау үшін 3-түсті карточкалар ұсынамын.

Саралау тәсілі: «Жіктеу», «Мозаика» әдісі.

Таңдалған түстер бойынша топтарға бөлінеді. Сабақтың тақырыбы жасырын, оны оқушылардың өткен тақырыптар бойынша алған білімдеріне сүйеніп анықтаймыз

«Құпия сөйлем» ойыны

Нұсқау: Оқушылар таңдап алған карточкалардағы (бір жағында әріп, екінші жағында сан жазылған, «Р»-«-13»,«А»-«-12»,«Ц»-«-11»,«И»-«-10»,«О»-«-9», «Н»-«-8», «А»-«-7»,«Л»-«-6», «С»-«-4»,«А»-«-3», «Н»-«-2», «Д»-«1»,«А»-«0»,«Р»-«1»,«Д»-«2»,«Ы»-«3», «С»-«5», «А»-«6», «Л»-«7», «Ы»-«8», «С»-«9», «Т»-«10», «Ы»-«11», «Р»-«12», «У»-«13») бүтін сандарды координаталық түзуге ретімен орналастырып, құпия сөйлемді табады.

Сабақтың тақырыбы:

Дескриптор: Білім алушы

- нүктелерді координаталық түзуде кескіндейді.

ҚБ: «Қошемет».

Сабақтың мақсаттары мен сабақ сонында күтілетін нәтижелермен таңыстыру.

Бүгінгі көңіл-күйім:

ЖАСЫЛ ТҮСТІ - тамаша!.

САРЫ ТҮСТІ - жақсы.

ҚЫЗЫЛ ТҮСТІ - көнілсізбін.

Сабақтың ортасы

30 мин

1. «Миға шабуыл» әдісі. Өткенді қайталау және үй тапсырмасын тексеру.

«Сұрақты ұстап ал» әдісімен сұрақ-жауап түрінде оқушылар диалог арқылы ауызша жұмыстанады. Әр топ бір-біріне доп лақтыру арқылы немесе мұғалім оқушыларға доп лақтырып сұрақ қояды. Допты қағып алған оқушы сұраққа жауап беріп, өзінің сұрағын қояды. Егер оқушы сұраққа жауап бере алмаса, допты басқа оқушыға береді. Бұл əдіс теориялық сұрақтарды бағалауға, тілдік мақсаттардың орындалуына көмек береді.

Естеріне түсіріңдер!

Координаталық түзуде нөл саны мен оң сандар қалай орналасқан?

Координаталық түзуде нөл саны мен теріс сандар қалай орналасқан?

Координаталық түзудің бойында 0-ден оңға қарай бағытта сан кеми ме әлде өсе ме?

Координаталық түзудің бойында 0-ден солға қарай бағытта сандар қалай өзгереді?

Санның модулі дегеніміз не?

Оң санның модулі неге тең болады?

Нөл санының модулі неге тең?

Теріс санның модулі ше?

Дескриптор: Білім алушы

- координаталық түзуде сандардың орналасу ретін біледі;

- координаталық түзуде сандардың өсу, кему бағытын анықтай алады;

- модуль анықтамасын біледі, рационал сандардың модульдері қандай сандармен өрнектелетінің айтады..

Жауаптары:

Координаталық түзуде оң сандар нөлдің оң жағында орналасқан.

Координаталық түзуде теріс сандар нөлдің сол жағында орналасқан.

Координаталық түзудің бойында 0-ден оңға қарай бағытта сандар өседі.

Координаталық түзудің бойында 0-ден солға қарай бағытта сандар кемиді.

Санның модулі дегеніміз координаталық түзу бойындағы сандыкескіндейтін нүктенің санақ басынан (О нүктесінен) бірлік есебімен қашықтығы.

Оң санның модулі сол санның өзіне тең.

Нөл санының модулі 0-ге тең.

Теріс санның модулі оған қарама-қарсы санға тең.

ҚБ: «Мадақтау».(Өте жақсы! Жарайсын! Керемет!)

2.Топтық жұмыс. «Пазл» әдісі.

Сынып оқушыларына әр парақша 8 қиындыға бөлінген қиындылар беріледі, суреттер құрастыру арқылы топтарға бөлінеді.

Тұжырымдамалық карта. Бүгінгі өтіліп жатқан тақырып бойынша тұжырымдамалық карта жасау (постер) тапсырылады. Дайындық кезінде «Бейне көрініс» пайдаланады.

І топ: «Құрылысшылар» оң сандарды салыстыру

ІІ топ: «Сүңгуіршілер» теріс сандарды салыстыру

ІІІ топ: «Синоптиктер» оң және теріс сандарды салыстыру.

І топ: «Құрылысшылар».

8 · 91 + 34 · 8 – 301 · 3 өрнегiнiң мәнi Астана қаласындағы елiмiздiң егемендiгiне арналып салынған “Астана — Бәйтерек” монументiнiң биiктiгiне, 4 · 31 · 25 – 3009 өрнегiнiң мәнi “Қазақ елi” монументiнiң биiктiгiне тең. “Астана — Бәйтерек” пен “Қазақ елi” монументтерiнiң биiктiктерiн табыңдар.

Қосымша тапсырма: екі ескерткіштің биіктіктерін бір-бірімен, қаламыздағы жеңіс алаңында ҰОС батырларына арналған «Мәңгілік алау» мемориалды кешенінде орналасқан елу метрлік “Стелла” монументiнің биіктігімен және 0 санымен салыстыру теңсіздіктерін құрыңдар. Қорытынды жасаңыздар.

Дескриптор: Білім алушы

санды өрнектердің мәнің табады;

берілген мәліметтерге теңсіздіктер құрады;

оң сандарды салыстырып, тұжырымдайды.

Жауаптары:

«Бәйтерек” монументiнiң биіктігі:

8 · 91 + 34 · 8 – 301 · 3 = 8 ·125– 903 = 97м; һ = 97

“Қазақ елi” монументiнiң биiктiгi:

4 · 31 · 25 – 3009 = 3100 – 3009 = 91м; һ = 91

“Стелла” монументiнің биіктігі 50м; һ = 50

Қорытынды:

1. Кез келген оң сан 0 санынан артық;

2. 0 саны кез келген оң санынан кем;

3. Координаталық түзу бойында сол жақта орналасқан сан, оң жақтағы саннан кем болады.

4. Координаталық түзу бойында оң жақта орналасқан сан, сол жақтағы саннан артық болады.

ІІ топ: «Сүңгуіршілер».

Сурет бойынша Каспий теңізі мен Байкал көлінің дүниежүзілік мұхит деңгейінен биіктігі мен тереңдігін анықтаңыз. Айырмашылығын түсіндіріңіз.

Қосымша тапсырма: Қайсысы дүниежүзілік мұхит деңгейіне жақын жатыр (деңгейі жоғары орналасқан)? Каспий теңізі мен Байкал және Өлкеміздің інжу маржаны тереңдігі 13м болатын Шалқар көлдерінің теріңдіктерін теріс санмдармен өрнектеп, осы сандарды бір-бірімен және 0 санымен салыстыру теңсіздіктерін құрыңдар. Қорытынды жасаңыздар.

Дескриптор: Білім алушы

-дүниежүзілік мұхит деңгейінен биіктігі мен тереңдігін анықтайды;

- теңіз бен көлдердің тереңдіктерін теріс санмен өрнектейді;

- санды теңсіздіктер құрады;

- теріс сандарды салыстырып, қорытыныды жасайды.

Жауаптары:

Каспий теңізінің тереңдігі:

1025 + 28 = 1053; һт = - 1053;

Байкал көлінің тереңдігі:

1637 – 456 = 1181; һт = - 1181;

Шалқар көлінің тереңдігі: һт = - 13;

Дүниежүзілік мұхит деңгейіне жақындау Шалқар көлі;

Қорытынды:

1. Кез келген теріс сан 0 санынан кем;

2. 0 саны кез келген теріс саннан артық;

3. Екі теріс санның қайсысының модулі кіші болса, сол сан артық болады.

4. Екі теріс санның қайсысының модулі ұлкен болса, сол сан кем болады.

ІІІ топ: «Синоптиктер».

Сурет бойынша қалалардағы ауа температурасының жылы, суығын анықтаңыз.

Қосымша тапсырма: Ең жылы, ең суық қалаларды көрсетіңіз. Жезқазған, Алматы, Астана, Орал қалаларындағы ауа температурасын, бір-бірімен және Ақтау қаласының көрсеткішімен салыстыру теңсіздіктерін құрыңдар. Оң және теріс сандарды салыстыру ережесін қорытындылаңыздар.

Дескриптор: Білім алушы

-санды теңсіздіктер құрады;

- рационал сандарды салыстырып, қорытынды жасайды.

Жауаптары:

Ең жылы қала – Шымкент(+5), ең суық қалалар – Павлодар(-5) және Петропавл(-5).

Жезқазған(+2), Алматы(+1), Астана(-3), Орал(-2), Ақтау(0).

Қорытынды: 1. Кез келген оң сан 0-ден артық;

2. Кез келген теріс сан 0-ден кем;

3. Кез келген теріс сан кез келген оң саннан кем болады.

4. Кез келген оң сан кез келген теріс саннан артық болады.

ҚБ: «Екі жұлдыз, бір ұсыныс» әдісі.

Топтар бір - бірін бағалайды. Екі ұнаған жағын және бір ұсыныс айтады.

3. Оқулықпен жұмыс.

Саралау тәсілі: «Тапсырма»

Деңгейлік тапсырмалар.

«Бинго» әдісі 3секторына сабақ тақырыбына қатысты əртүрлі деңгейлі тапсырма орналасқан. Оқушылар әр түрлі деңгейлі тапсырманы орындау керек. Барлық деңгейлі тапсырманы бірінші орындап болған оқушы жеңімпаз атанады.

Оқушылар А деңгейінің тапсырмаларын орындап болғаннан кейін,В деңгейінің тапсырмаларын , солай Сдеңгейінің тапсырмаларын орындайды.

А

В

С

А деңгей.

Жеке жұмыс.

№305. Сандарды 0 санымен салыстырып, теңсіздік түрінде жазыңдар:

Дескриптор: Білім алушы

- оң және теріс бүтін сандарды 0 санымен салыстырып, нәтижесін теңсіздікарқылы жазады;