Монтессори технологиясы: құмырадан құмыраға құю

«Құмырадан құмыраға қайта құю»

Материал: Паднос, екі құмыра, біреуінің ішінде су құйылған құмыра, падностың үстін немесе су тамшысын сорып алуға қажетті шағын ысқыш (губка) немесе шүберек.

Мақсаты: суды қайта құйып үйрену.

Жанама мақсаты: қимыл-қозғалысты үйлестіру, зейінін тұрақтандыру, ұсақ маториканы, дербестікті дамыту.

Алғашқы таныстыру:

1. Балаға падносты үстелдің үстіне алып келуді ұсынамыз.

2. Балаға «Қазір қайта құямыз» - деп айтамыз.

3. Уақытынан ерте дымқылданып қалмас үшін ысқышты падностың үстінен алып, оның сол жағына қоямыз.

4. Оң қолымызбен құмыраның тұтқасынан ұстаймыз, оң қолымыздың ортаңғы және сұқ саусағын құмыраның тұтқасының ішіне кіргіземіз де бас бармақпен үстінен қысамыз. Сол қолдың сұқ, ортаңғы, аты жоқ саусақтарымен құмыраның «ішінен» шүмегінің астынан ұстаймыз.

5. Құмыраны сәл көтеріп, бос құмыраның үстіне еңкейтеміз де, ішіндегі барлық суды бос тұрған құмыраға құямыз..

6. Құмыраның ішінің босағанына көз жеткіземіз. Балаға қарауды ұсынамыз.

7. Балаға «құйдық» - дейміз. Құмыраны бастапқы орнына қоямыз. Ал енді, падностың құғақтығын тексерейік.

8. Падностың үстін қолымызбен сипай отырып, оның құрғақтығына көз жеткіземіз. Паднос дымқыл болған жағдайда, оны ысқышпен немесе шүберекпен сүрту қажет.

9. Құмыраларды қайтадан падностың үстіне қоямыз. Сол жақта тұрған құмыраның тұтқасын оң қолмен, ал сол қолмен оның ішінен қысып ұстап, табақтың оң жағына, тұтқасын оңға қаратып қоямыз. Бұл су құйылған құмыра. Оң жақта тұрған бос құмыраның тұтқасын сол қолмен, шүмегінің астынан оң қолмен қысып ұстаймыз да, падностың сол жағына тұтқасын солға қаратып қоямыз. Яғни бастапқы қалпына әкелеміз.

10. Ысқышты құмыралардың арасына салып қоямыз.

11. Балаға қайталауды ұсынамыз.

Жас мөлшері: 2,5 - 3жас.

Аса ықылас аудару: соңғы тамшы, падностың құрғақтығына сенімді болу үшін оны қолымен сүрту.

Сөздік: құмыра, тамшы, ысқыш, әрекет атауы - құйдық.

Қателіктерді бақылау: төгілген су.