Монтессори технологиясы: қоңыр баспалдақ таныстырылымы

«Қоңыр баспалдақ»

Материал: Ауыр ағаштан жасалған қоңыр кесектер. Барлық кесектердің ұзындығы – 20 см. Түйістері төрткіл пішінді (квадратты), төрткіл жағы біркелкі 10 см. Бастап 1 см.-ге дейін өзгереді.

Мақсат: Көлемді көру арқылы қабылдауды дамыту. Жуан – жіңішке; ең жуаннан да жуанырақ , ең жіңішкесінен де жіңішкерек деген ұғымдарды енгізу үшін сенсорлық базаны қалыптастыру.

Жанама:Математиканы үйретуге даярлық.

Міндет:Кесектердің қалыңдығының өзгеруіне сәйкес баспалдақ құру (сап құру).

Алғашқы таныстыру:

1. Педагог балаға жұмысқа қажетті кілемді төсеуді ұсынады

2. Педагог балаға кесектерді қалай тасымалдау керектігін көрсетеді. Оларды біртіндеп апарады: тікесінен алып, екі алақанымен ұстап тасымалдайды. Осылайша екі қолдарымен ұстап, ұқыппен кілемнің үстіне апарып қояды. Ең жіңішкесінен бастайды (Мұнда бала кесектердің қалыңдығын жақсы сезінеді. Осылайша бала кесектің мөлшерін көру арқылы қабылдауын басқа да сезім мүшелірі көмегімен пысықтай түседі.).

3. Бала кесектерді бір–бірлеп кілем бетіне тасып, ретсіз қояды. (Егерде бала барлық кесектерді өзі тасыса, ол бірнеше сезім мүшелірі арқылы олардың көлемдерінің айырмашылығын сезінеді.).

4. Педагог балаға баспалдақты қалай салынатынын көрсетеді. Педагог ол үшін ең алдымен кілемде жатқан кесектердің арасынан ең жуанын таңдап алады. Сосын оны кілемнің ең шеткі көлденең жиегінің ортасына қояды. (Балаға таңдау үдерісін көрсету қажет: бірнеше кесектерді өзара салыстыру ләзім.).

5. Педагог тағыда қалған кесектер арасынан ең жуанын таңдайды. Оны тура әуелгісінің алдына орналастырып, кесектердің шеттерін түзетеді. (Баланың назарын олардың қалыңдығына аударту үшін, бірінші кесектің шығып тұрған жиегін саусақпен жүргізіп өтуге болады. Бұл да қателіктерді қосымша бақылау болып табылады.).

6. Педагог іс-әрекеттерін қайталай отырып, баспалдақты толықтай жасап бітеді. (Бұл кезеңде балаға өз бетімен жұмыс істеуді ұсынудың ешбір қажеті жоқ. Себебі, егер де ол қателесіп және баспалдақты дұрыс салмаса, онда ол қажетті нәтижені көре алмайды. Баланы мынадай сұрақпен тартуға болады: «Қалай ойлайсың, келесі кесек қайсысы?»).

7. Баланың назарын пайда болған баспалдақтың пішініне аудартады. Ол үшін педагог жоғарыдан төмен қарай баспалдақтың бойымен қолын жүргізіп өтіп, балаға баспалдақтың жоғарғы жағынан ағаштан жасалған кіші шар тастауын ұсынады (Бұл…