Монтессори технологиясы: қызыл штангалар таныстырылымы

«Қызыл штангалар»

Материал: Ағаштан жасалған қызыл түсті он кесектер (штангалар). Кесектердің 2,5 см. Төрткіл түйістері бар. Кесектер ұзындығы 1см.-ден 10 см.-ге дейін біркелкі өзгермелі.

Мақсат:

Тікелей: Көлемді көру арқылы қабылдауды дамыту. Ұзын – қысқа, ең ұзыннан да ұзынырақ, ең қысқадан да қысқарақ деген ұғымдарды енгізу үшін сенсорлық базаны қалыптастыру.

Жанама: Математиканы үйретуге даярлық: 10 санының ерекше рөлі, өлшемнің стандарт бірліктері, қызыл-көк штангалармен жұмыс істеуге дайындық.

Міндет: кесектердің ұзындығының өзгеруіне сәйкес баспалдақ құру (сап құру).

Алғашқы таныстыру:

1. Педагог балаға жұмысқа қажетті кілемді төсеуді ұсынады.

2. Педагог балаға штангаларды қалай тасымалдау керектігін көрсетеді. Оларды бір-бірлеп тасымалдайды: екі алақанымен бүйіржақтарынан алып, көлденең өз алдында ұстайды. Осылайша, екі қолымен апарып, ұқыппен кілем үстіне қояды. Ең қысқасынан бастайды (Мұнда бала штангалардың ұзындығын жақсы сезінеді.).

3. Бала штангаларды бір-бірлеп кілемнің үстіне тасып, ретсіз қояды. (Егер де бала барлық штангаларды өзі тасыса, бұл абзалырақ. Осылайша ол бірнеше сезім мүшелері арқылы олардың мөлшер айырмашылықтарын сезінеді: мәселен, қысқа штанганы бүйір жағынан ұстау оңай болса, ал ұзын штанга үшін қолдардың қарқыны жеткіліксіз.).

4. Педагог балаға баспалдақты қалай салынатындығын көрсетеді. Педагог ол үшін ең алдымен кілемде жатқан штангалардың арасынан ең ұзынын таңдап алады.Сосын оны кілемнің ең шеткі көлденең жиегінің сол жағына қойып, штанга үстімен, солдан оңға қарай қолымен жүргізіп өтеді.

5. Педагог тағыда қалған штангалар арасынан ең ұзынын таңдайды. Оны тура алдыңғысының алдына орналастырып, штангалардың сол жақ шеттерін түзетеді. Қолымен солдан оңға қарай штанганың бойымен жүргізіп өтеді.

6. Педагог іс-әрекеттерді қайталай отырып, баспалдақты толықтай жинап бітеді (Бұл кезеңде балаға өз бетімен жұмыс істеуді ұсынудың ешбір қажеті жоқ. Себебі ол қателесіп және баспалдақты дұрыс салмаса, онда ол қажетті нәтижені көре алмайды. Баланы мынадай сұрақпен тартуға болады: «Қалай ойлайсың, келесі штанга қайсысы?»).

7. Баланың назарын пайда болғанбаспалдақтың пішініне аудартады. Ол үшін педагог жоғарыдан төмен қарай штангалардың сол жақ шеттерінің бойымен қолын жүргізіп өтеді. (Бұл өз кезегінде, келесіде балаға өз жұмысына көзбен шолу…