Монтессори технологиясы: сыдырма ілгек рамасы

«Сыдырма ілгек» рамасы

Мақсаты: балаға сырмалы құлыпты ағытып және тағып үйрету.

Материал: ағаш рамада матаның екі бөлігі тартылған, олардың арасы сыдырма құлыппен бекітілген.

Алғашқы таныстыру:

1. Бұл сыдырма құлып. Қазір мен сендерге қалай ағыту керектігін көрсетемін.

2. Педагог балаға раманы үстелдің үстіне алып келуді ұсынады.

3. Педагог оң қолдың сұқ саусағы және бас бармағымен құлыптың тілшігін алады.

4. Сол қолдың алақанымен раманың сол жақ жартысындағы матаны ұстап тұрады.

5. Оң қолмен тілшігін төмен тартамыз да, құлыпты ағытамыз. Сол қолдың алақаны матаны ұстай отырып, тілшіктің ізімен ілесіп отырады.

6. Құлыптың шетіне келгенде тілшікті босатып жібереміз. Сұқ және ортаңғы саусақтарды құлыптың астына саламыз,ал оң қолдың бас бармағын тілшікті қысып ұстай отырып, үстінен бастырып саламыз.

7. Сол қолдың сұқ және ортаңғы саусақтарын құлыптың сол жақ астына саламыз. Ал сол қолдың бармағымен құлыптың үстіңгі жағындағы матаны қысып ұстаймыз.

8. Екі қолмен (оң қолмен – төменнен, сол қолмен – жоғарыдан) бір мезгілде құлыптың сол жақ бөлігін жүгірткіден шығарамыз.

9. Матаның екі бөлігін де ашамыз (басқа рамаларды ашу үлгісіндей).

10. «Ағыттық».

11. Ал енді, тағамыз.

12. Матаның екі бөлігінде жабамыз. Сұқ және ортаңғы саусақтарды құлыптың оң жақ бөлігінің астына саламыз, ал бас бармақпен жүгірткінің үстінен тілшікті қысып ұстаймыз.

13. Сол қолдың сұқ және ортаңғы саусақтарымен құлыптың сол жақ бөлігін ұстаймыз, ал бас бармақпен оны үстінен қысып ұстаймыз.

14. Құлыптың сол жақ бөлігін жүгірткіге қондырамыз.

15. Сол қолмен сыдырма құлыптың екі шетінен ұстап, оң қолмен (бас бармақпен және сұқ саусақпен) құлып тағылып болғанша, тілшігін жоғары қарай ақырын тартамыз.

16. Тақтық.

17. Матаның екі жартысын жан – жаққа кере отырып тексереміз.

Жас мөлшері: 2,5 – 3жас

Аса ықылас аудару: Сыдырма ілгектердің ұштарын құлыпқа дәл салу.

Сөздік қорын кеңейту: сыдырма ілгек, құлып, тілшік, жүгірткі.