Монтессори технологиясы: қызғылт мұнара таныстырылымы

«Қызғылт мұнара»

Материал: Көлемі біркелкі өзгеретін он қызғылт кубтар (текшелер). Ең үлкен кубтың қабырғасы – 10 см., ал ең кішкентайы – 1см.

Мақсат:

Тікелей: Көлемді көру арқылы қабылдауды дамыту. Үлкен – кішкентай; ең үлкеннен де үлкенірек; ең кішкентай дегеннен де кішірек деген ұғымдарды енгізу үшін сенсорлық базаны қалыптастыру.

Жанама: Математиканы үйретуге даярлық ( 10 куб – 10 санының мағынасы). Кубтың пішінімен таныстыру.

Міндет: Кубтар көлемінің өзгеруіне сәйкес мұнара құру (сап құру).

Алғашқы таныстыру:

1. Педагог балаға жұмысқа қажетті кілемді төсеуін ұсынады. (Мұнара биік болып шығатындықтан, оны кілемнің үстінде құрған дұрыс, ал үстел үстінде құрылатын болса, оның төбесіне баланың қолы жете алмауы мүмкін. Одан басқа, егер де мұнара шашылып кетсе, кілемнің үстінде оның шуы аса қатты болмайды және кубтар да онша көп соғыла қоймайды).

2. Педагог балаға кубтарды қалай тасымалдау керектігін көрсетеді. Оларды бір-бірлеп тасиды: оң қолдың саусақтарының ұшымен алып, сол қолдың алақанына салады. Осылайша екі қолымен ұстап, кілемгеұқыппен апарып қояды. Ең кішкентай кубтан бастау қажет. (Мұнда бала оң қолымен кубтың мөлшерін, ал сол қолымен оның салмағын сезіне алады. Осылайша бала кубтың мөлшерін көру арқылы қабылдауын басқа да сезім мүшелері көмегімен пысықтай түседі.

3. Бала кубтарды бір-бірлеп кілем бетіне тасып, ретсіз қояды.(Егерде бала барлық кубтарды өзі тасыса, ол бірнеше сезім мүшелері арқылы олардың көлемдерінің айырмашылығын сезінеді: бірінші кубты саусақ ұштарымен ғана ұстап тұру жеңіл болса, ал соңғысы үшін ашық алақанының өзі артық етеді).

4. Педагог балаға мұнараның қалай слынатынын көрсетеді. Педагог ол үшін ең алдымен кілемде жатқан кубтардың арасынан ең үлкенін таңдап алады. Сосын оны кілемнің қақ ортасына орналыстырады. (Балаға таңдау үдерісін көрсету қажет: бірнеше кубтарды өзара салыстыру қажет).

5. Педагог тағыда қалған кубтар арасынан ең үлкенін таңдайды. Оны тура алдыңғысының ортасына орналыстырады (Баланың назарын жоғарыдағы кубтың алдыңғысының ортасына орналасқанына аудару үшін, төменгі кубтың шығып тұрған жиегін саусақпен сипап шығуға да болады. Бұл да қателіктерді қосымша бақылау болып табылады).