Пән мен тілді кіріктіріп оқыту туралы информатика баяндамасы

Шоқай датқа атындағы орта мектеп

БАЯНДАМА

Тақырыбы:

«CLIL пәндік тілдік интеграцияланған оқытуды жүзеге асыру: әдістемелік ресурстарды құру»

Ағылшын тілі пәнінің мұғалімі

Уызбаева Галия

Игілік ауылы

2018-2019 оқу жылы

CLIL ПӘНДІК ТІЛДІК ИНТЕГРАЦИЯЛАНҒАН ОҚЫТУДЫ ЖҮЗЕГЕ АСЫРУ: ӘДІСТЕМЕЛІК РЕСУРСТАРДЫ ҚҰРУ

Уызбаева Галия, ағылшын тілі пәнінің мұғалімі

Қазіргі таңда заманауи білім беру технологиялары мұғалімді сабақты дәстүрлі емес формада өтуге ынталандырады. Көптілді білім беруді дамыту жағдайында ерекше сабақты дайындауға CLIL технологиясы көмекке келеді. Осылайша пәндік тілдік интеграцияланған оқытуды жүзеге асыру үшін әдістемелік ресурстарды құру қажеттілігі туындауды.

Сабақта CLIL технологиясын қолдану дегеніміз – оқу материалын меңгеру барысында ойлауды, интеллектуалды қабілетті, креативтілікті, практикалық қабылдауды арттыратын екі немесе бірнеше пәндерді біріктіретін стандартты емес сабақ түрі. Яғни, әдістемелік ресурстар қарапайым қысқа мерзімді жоспарды әзірлеуден басталады. Одан соң әртүрлі дереккөздерді пайдалану арқылы жүзеге асады.

Мұндай сабақтардың басты мақсаты: Ерекше, дәстүрлі емес сабақта тілді үйренуге деген мотивацияны арттыру.

Осы технология негізінде сабақ әзірлеу кезінде CLIL-дің 4 «С» әдісін ескеру қажет:

сontent (мазмұн);

сommunication (сөйлесу);

сognition (ой қабілеті);

сulture (мәдени білім).

«CLIL» терминінің қолданыста жүргеніне айтарлықтай уақыт болмағанымен (1994 жылы), ол жаңа құбылыс болып табылмайды. Адам баласы көп тілді қоғамда өмір сүріп келеді. Көп тілді меңгеру қоғамда өмір сүру құралы болып табылады. «CLIL» терминін 1994 жылы ғылыми айналыска Девид Марш оқыту жағдайларын белгілеу үшін пәндер немесе жеке бөлімдері «қосымша» тілде жүргізілуі үшін енгізген болатын. [1, 2] Мұндай оқытудың мақсаты бір уақытта оқытылатын пән мен тілді оқыту болып табылады, яғни мұнда тіл оқу объектісі ретінде емес, басқа пәндерді білу құралы ретінде қарастырылады. CLIL әдісі тілге бағытталмаған пәндердер мен осы пәнді оқытудағы тілдің даму шеберлігіне бағытталған. CLIL әдісі оқушылардың мәдени біліктілігін, тілдік және коммуникативтік құзыреттілігін қалыптастыруға септігін тигізеді, ал бұл қазіргі қоғамда жұмыс берушілердің ең қажет ететін дағыларының бірі болып табылады.

CLIL әдісін еліміздің көптеген білім ордалары оқыту үрдісінде қолданып жатыр. Назарбаев Зияткерлік мектептерінде де бұл әдісті кеңінен қолданылуда. Өйткені, кейбір пәндер оқушылардың ана тілінде жүргізілмейді. Сондықтан пәнді оқытудағы тіл – екінші тіл болып табылады. Оқушы осы тілде пәнді түсіне отырып, өз ойын екінші тілде жеткізе білуі…