Рефлексивті есеп дайындауға арналған материал

Сертификатталған мұғалім: Тусупбекова Жанбота Тусупбековнаның 2014-2015 оқу жылындағы атқарған жұмыстарының рефлексивті есебі

Педагогикалық қызметімде теориялық білімді тәжірибемен байланыстыра отырып, жан-жақты мүмкіндіктерімді ашуға, оқытудағы «Үшінші деңгейлі мұғалімдерді даярлау жөніндегі біліктілікті арттыру курстарының» маңызы зор екеніне көзім жетті. 7 жыл педагогикалық іс-тәжірибемде қолданған әдіс – тәсілдермен қазіргі 7 модулдің элементтерімен салыстырсам, жер мен көктей айырмашылық бар екен. Жаңа әдіс - тәсілдер арқылы көптеген нәтижеге жеттім жесем де болады. Осы 4 ші сыныпқа дейін балалар жаттанды түрде, дайын материалдармен ғана жұмыс жасап үйренген. Мен өз іс тәжірибемде көбінде топтық жұмысты ашық сабақтар кезінде ғана қолданып келдім. Себебі, оған көп мән бермедім және де оқушылар топпен жұмыс істеген кезде уақытты тиімді пайдалана алмайтын болғанмын. Ең негізгісі - топтық жұмыстың осыншама маңызды екенін түсінбеген едім. Дәстүрлі сабақ кезінде өзіміз түсіндіріп, өзіміз талдап, тапсырманың орындалу ретін ұғындырып, оқушыларға дайын түрде беріп жүрдік. Оқушыларымыз осы тәсілге бейімделіп алған. Олар артық ойланбайды, артық іс – әрекет жасамайды. Мұндай оқушының болашағы қандай болады? деп бір сәт ойланып та көрмеген екенмін. Ал бағалау процесі біржақты (жиынтық бағалау) ғана болды. Жиынтық

Шкала: 12-15 – «5»

Оқушылар алғашында шкала бойынша бағалаудан қиналды. Балалар сыни тұрғыдан ойланып, толық жауап беруге тырысты. Ашық, жабық сұрақтар қою арқылы жаңа сабаққа көпірше жасап дағдыланды. Жаңа тақырыпты анықтап, мақсат қойып үйренді. 3 тілділікті қолданып, пәнаралық байланыс жасадым. Дарынды балалармен де жекелей жұмыстар жасадым.

Сонымен бірге жаңа әдіс – тәсілдер: мәтінді 1 рет жартылай дауыспен оқыту, эстафеталық оқу түрлерін де пайдаландым. «Ой өрбіту» мақсатында диалог түрінде бір-біріне сұрақтар қойғыздым.

Бекіту мақсатында «Буынын анықта» , «Жалғасын тап», «Жұбын тап», «Сөз құра» ойындары өткізілді. «Болашақтың ертеңі – біз» эссе жазу сияқты тапсырмаларды орындатып, оқушылардың шығармашылық қасиеттерімен қатар, сыни тұрғыдан ойлану қабілеттерінің де дамуын мақсат тұттым.

Келесі өткізген сабақтарымда да тапсырмалар кезінде оқушылар сыни тұрғыдан ойлана отырып, бірігіп жұмыс жасауға бейімдедім. Бірақ та, оқушыларда әлі де шығармашылықпен тапсырманы орындау жеткіліксіз екенін байқадым. Сонымен қатар, олар постерлерін қорғаған кезде кейбір оқушылар (Алишер, Арафат, Аружан) тақтаның алдында еркін шешіле сөйлесе тіпті де жақсы болар еді деп ойлаймын. Қорытынды ретінде: Абайдың қара сөзін пайдаландым. Үйге деңгейлік тапсырма бердім. Соңында әр оқушы дескриптор бойынша қорытынды балын шығарып, топ жетекшіге берді. Балалар дескриптор бойынша өздерін әділ бағалауға тырысты. Енді алдыда әрбір тапсырмаға дескрипторларды өздерін құрдырып үйретсем деп ойлаймын. Сабақтың соңында топ жетекшісі: топ жұмысына баға берді. Стикерге өз түйгенін жаздыртып кері байланыс алдым. Балалар сабақта алған әсерлерін жазып, тақтадағы сызба бойынша ілгенде, сызбада 8 саны шықты. Осы 8 санын 8- наурыз келе жатқан мерекемен байланыстырып, келген қонақтар мен қыздарға тілек айтып, сабағымды аяқтадым.