Санның жартысы 1-сыныпқа арналған сабақ жоспары

Математика

№53. Сабақ тақырыбы:

Санның жартысы

Мектеп: Пухальск НМ

Күні : 10.12

Мұғалімнің есімі: Отебаева А.С.

СЫНЫП: 1-сынып

Қатысқандар саны:

Қатыспағандар саны:

Оқу мақсаты:

20-ға дейінгі сандарды 2-ден топтап тура және кері санайды; тәжірибе арқылы 2, 4, 6, 8, 10 заттың жартысын табады.

Қиянат жасамау

Құстарды және өсімдіктерді қорғау

Барлық оқушылар:

Оқушылардың басым бөлігі:

Кейбір оқушылар:

Құндылығы:

Қасиеттері:

Ресурстар:

шаршы фигура модельдері;

санау таяқшалары;

оқу құралдары (дәптер, кітап, қарындаштар);

цифрлар жазылған парақшалар.

Тірек сөздер

жарты.

Сабақтың мақсаты:

Сандары жұп болып келген заттардың жартысын табуды үйрету. Тең бөлу дағдысын қалыптастыру.

Сабаққа байланысты деректі материалдар

Сабаққа қатысты ескертпелер

Сыныптағы заттарды тәжірибеде екіге тең бөліп нәтижесінде тек саны жұп болып келген заттарды ғана екіге бөлуге болатынын үйренеді. Яғни 2, 4, 6, ..., 20 сандары. Себебі оқушылар “жұп сандар” деген терминмен таныс емес.

Кіріспе тапсырма. Сабақты оқулықтағы “Сандары жұп заттардың жартысын табуға болады” ұғымды түсіндіруден бастаймын. Осы мақсатта “Алты қонжықтың тең жартысы үш қонжық болады. Ал сегіз қонжықтың жартысы қанша болады?” деген мазмұнда суретпен берілген тапсырманы орындатқызамын. Суретке қарап оқушылар алты қонжықтың жартысы үш қонжық болатынын түсінеді. Сегіз қонжықтың жартысы қанша болатынын анықтау оларға қиындық туғызады. Сондықтан оқушыларға қиылған сегіз шаршы таратып беріп, оларды тең бөлуді тапсырып, тапсырманы жұппен орындайды. Сегіз шаршының жартысын қалай табуға болатынын алдымен өздерінен сұраймын. Алдымен бір шаршыны алып партаға қойғызамын. Оның астына тағы бір шаршы қоюды ұсынамын.

Солай шаршыларды бір-бірден бірінің астына бірін жұппен орналастырады. Неше жұп шаршы болғанын сұраймын (төрт жұп шаршы). Яғни сегіз шаршының жартысы төрт шаршы болады деген қорытынды жасаймын. Олай болса, 8 қонжықтың жартысы 4 қонжық болады.

Ескерту: шаршының орнына кез келген сандары тең болып бөлінетін заттарды алуға болады. Мысалы:

қарындаштар, санау таяқшалары т.б.

Құстар. Оқушыларға тапсырманы жұппен орындатқызамын.

Жауабы:

— екі бұтаққа суықторғайлар мен кептерлер тең бөлініп қона алады, себебі олардың саны 4 және 2;

— екі бұтаққа қарлығаштар мен үйректер тең бөлініп қона алмайды, себебі олардың саны 1 мен 3 (сондай-ақ үйректер ағаштың бұтағына қона алмайды).

- Құстардың адам өміріне қандай пайда тигізеді?