Сараланған оқу нәтижелерін әзірлеу сабақ жоспары

Оқу жоспары 17- күн

Тақырыбы

1-сабақ:Сабақ сараланған оқу нәтіжелерін әзірлеу.

2-сабақ: Оқу нәтіжелеріне қол жеткізуге арналған жаттығуларды жоспарлау және Бағдарлама тақырыптарын ықпалдастыру

Сабақтың сараланған нәтижелерін даярлау. Оқушыға оқу нәтижесіне жетуге және «Тәжірибедегі рефлексия» бағдарламасының тақырыптарын ықпалдастыруға көмектесетін тапсырмалар жоспарлау. Бағалау критерийлерін анықтау. Бағалау критерийлері мен жаттығулардың негізгі оқу мақсаттарымен байланысын бағамдау.

Мақсаты

. Мұғалімдер «Тәжірибедегі рефлексия» бағдарламасын ескере отырып сабақты қалай жоспарлау керектігі туралы негізгі идеяларды тұжырымдайды.

•Білім беру бағдарламасында жазылған оқу бағдарламасынан

күтілетін нәтижелерді анықтау;

•Күтілетін нәтижеге қатысты әртүрлі топтағы оқушылар үшін нақты бағалау критерийлерін анықтау;

•Әртүрлі топтағы оқушыларға бағалау критерийлеріне жетуге

мүмкіндік беретін жаттығуларды жоспарлау.

•Әр топтағы оқушылардың бағалау критерийлеріне қаншалықты жақсы жеткенін бағалау мүмкіндігі.

Оқу нәтіжелері

Мұғалімдер барлық оқушылар қол жеткізетін, нақты өлшенетін нәтижелері бар сабақты жоспарлау тәсілдерін әзірлейді.

Түйінді идеялар

Мұғалімдер жаңа білім беру бағдарламасында берілгендей оқушылардың оқудағы нақты нәтижелерін анықтайды. Олар оқушылардың үш деңгейі мен іс қимыл жоспары бойынша бағалау критерийлерін анықтайтын болады, ол оқушыларға өз табыстарын көрсетуге мүмкіндік береді. Кейбір педагогикалық ұстанымдар мен бағдарламаның стратегиялары сабақ жоспарында көрсетіледі. Мұғалімдер оқытуды жандандыру және оқушыларды ынталандыру бойынша жаттығу әзірлеуге жұмылдырылатын болады, ол тапсырмалар нақты оқу нәтижелеріне бағытталады.

Кезендері мен

уақыты

Оқыту барысы

Ескерту

1-сабақ

Зейінді шоғырландыруға арналған жаттығу.

10 минут

Тренер нұсқауы:

«Өзіңді тереңірек тани біл»

Өз пәндері бойынша топтарға біріктіру.

Ақпарат беру «Дифференциация»

Сабақтың тақырыбы мен мақсаты таныстырылады.

«Миға шабуыл» Топтық жұмыс

Мұғалімдер жеке оқушыларына сәйкес келетін сабақтарды жоспарлау үшін нақты пәндер бойынша топтарда жұмыс жасайды.

Топтар оқу бағдарламасынан тақырыпты таңдап алып, А-4 қағазының ортасына жазады.(Оқу мақсаттарын)

Оқушы осы тақырыптан нені үйренуі тиіс?

«Миға шабуыл»

15 минут

Тренер нұсқауы:

Осы тақырып бойынша үйренуі тиіс оқу мақсатының нұсқаларын жазады. Олардың ойлары басты тақырып айналасында өрбиді. Оны үшке жіктейді.

- Осы оқу мақсатына сай сіздер өз оқушыларыңыздан не күтесіздер, нені орындай алуы мүмкін?

-Барлығы бірдей нәтиже көрсете ала ма?

- Неге?

Топпен жұмыс

5 минут

Тренер нұсқауы: Жеке жұмыс

«Оқушылар мінездемесі» үлестірме материалының көмегімен оқу мақсатына сәйкес өз оқушыларының не білетінін және нені білгісі келетінін, қабылдау, ойлау деңгейлері мен белсенділіктерін ескере отырып осы мақсат төңірегінде нені игеріп, орындай алуы мүмкін екендігін жазады.

Үлгерімі жақсы (А) Үлгерімі орташа (В) Үлгерімі нашар (С)

Топ өз жазғандарын оқиды. Басқа топтар өздерінің пікірлерін білдіреді.

Ресурстармен жұмыс.

20 минут

Тренер нұсқауы:

Оқушылардың деңгейіне қарай әр түрлі нәтижелер күтетін болсақ , онда оқу мақсатымызды әрі қарай саралай түсуге бола ма?

Қалай?

Топтық жұмыс

Топтар өз таңдаған оқу мақсатын негізге ала отырып берілген сабақ жоспары шаблоны негізінде үш деңгейлі оқу мақсатын әзірлейді

САБАҚ ЖОСПАРЫНЫҢ ШАБЛОНЫ

Сабақ негізделген оқу мақсаты (мақсаттары)

Сабақ мақсаттары

Барлық оқушылар:

Оқушылардың басым бөлігі:

Кейбір оқушылар: