Симметрия ұғымын меңгертуге арналған ашық оқу қызметі

Тобы: Ортаңғы

Білім беру саласы: Шығармашылық

Ұйымдастырылған оқу қызметінің түрі: Сурет

Тақырыбы: Қызықты суреттер. Симметрия ұғымы.

Мақсаты: Балаларды симметрия ұғымымен, екі жақ бөлігі бірдей заттармен, олардың қасиеттерімен таныстыру, субояқпен жұмыс жүргізу техникасын жетілдіру, түстерді қабылдай білуге үйрету:

Балалардың көркем шығармашылық қабілеттерін, зейіндерін, ойлауын дамыту; Бала бойында ұқыптылықты, эстетикалық талғамдарын қалыптастыру;

Балаларды бірлесіп жұмыс жасауға, достыққа, татулыққа, табиғатқа деген жанашырлыққа тәрбиелеу.

Қолданылатын әдіс – тәсілдер: әңгімелеу, ойын, түсіндіру, тәжірибе жасау, бүктеу, бастыру.

Қолданылатын көрнекі құралдар: альбом, түстер палитрасы, субояқ, қылқалам, симметриялы суреттерге мысалдар, графпроектор, айна.

Сөздік жұмыс: Симметрия – екі жақ бөлігі бірдей заттар.

Қызмет кезеңдері

Педагогтың қызметі

Балалардың қызметі

Мотивациялық- қозғаушылық

- Сәлеметсіздер ме, балалар!

- Көңіл – күйлерің қалай? Осы тамаша көңіл – күйімізбен қонақтармен де бөлісейік.

Шаттық шеңбері «Жақсы көрем..»

Балалар қолдарындағы дөңгелектің түсіне сәйкес бір нәрсені айтып, жақсы көрем деген сөзді жалғайды.Мысалы:

Мен сары күнді жақсы көремін..т.б

Соңында бәрі бірге:

Ата – әжемізді, ата – анамызды,

Барлық туыстарымызды, достарымызды жақсы көреміз

- Сәлеметсіз бе!

- Тамаша

Балалар түрлі – түсті дөңгелектерді алып, өздері ұнататын заттарын айтады

Қызыл алманы жақсы көремін

Көк аспанды жақсы көремін

Жасыл шөпті жақсы көремін

Ұйымдастырушылық- ізденістік

Ойын: «Жасырынған суреттер» Балалар, тақтада әртүрлі суреттердің бөліктері ілінген. Соған қарап бұл суреттің не екенін айтып беріңдерші

/тақтада саңырауқұлақ, жапырақ, үй, гүл, шырша,адам, көбелек т.б суреттерінің жартысы ілінген./ Екінші бөліктерін айна арқылы қараймыз. Бұл суреттерге дәл осындай бөліктерді жалғасақ тұтас бір сурет шығады. Демек, бұл заттардың екі жақ бөлігі бірдей. Бұндай заттарды симметрилы деп айтамыз. /Симметрия сөзін қайталату/

Ғажайып сәт. /Жылаған дауыс естіледі/

Балалар, бір дауыс естілетін сияқты. /жылап, мұңайған көбелек кіреді/

Мен сіздердің балабақшаларыңызға, сіздерге асығып келемін. Бірақ шырын жинайтын бір де біргүл таба алмадым. Маған көмектесіңдерші.

Балалар көмектесеміз бе?

Ол үшін біз өзіміз білетін симметрия әдісін қолданып әртүрлі гүлдерді бейнелейміз. Сурет салуды бастамас бұрын көбелектер туралы мағлұмат алайық.

Бейнетаспа арқылы көбелектер туралы мағлұмат беру