Тіл дамыту үйірмесіне арналған авторлық бағдарлама 9-сынып

«Ақмола облысы білім басқармасының Жарқайын ауданы бойынша білім бөлімі Державинск қаласының Надежда Крупская атындағы жалпы орта білім беретін мектебі» комуналдық мемлекеттік мекемесі

Қазақ тілі және әдебиеті бойынша 9-сыныпқа арналған « Тіл дамыту» атты үйірмесіне арналған авторлық бағдарламасына

Құрастырған:Н.Крупская атындағы

орта мектебінің

қазақ тілі мен әдебиеті пәні мұғалімі

Искакова Г.У.

Түсінік хат

Республикамыздың егемендік алып, тіліміздің мәртебеге ие болуына байланысты қазақ мектептерінің білім беру саласында көптеген оң өзгерістер болып жатқанын баршамызға аян. Тіл мамандарына оқу процесінде оқушының сөйлеу қабілетінің дамуына әсер ететін жайға көп көңіл бөлу қажет. Себебі тілі жетік оқушы барлық гуманитарлық пәндерден жақсы нәтиже көрсете алады. Ал тілі дамымаған шәкірт біліп тұрған білімін өз дәрежесінде жеткізе алмай қиналады.

Тіл дамыту дегеніміз – тілдің жетілуі, оны дұрыс, әдемі қолдану. Тілдік норма жетілу үшін оқушының ауызекі сөйлеу тілін, жазба тілін дамытқан жөн. Осы мақсатпен мен тіл дамыту курсында оқушыларға еркін тақырып аясында ауызша мәтіндер құрастыруға, өздері оқыған шығармаларын мазмұндап, көркемдеп баяндауға, ертегі, әңгіме құрауға үйретемін. Сөйлеу арқылы ауызша тіл дамыса, еркін тақырыпқа жазылған мақала, эссе, ойтолғау, әңгіме, мазмұндама, шағын шығарма жазу арқылы жазба тілді дамытуға болады. Әр сыныпта бегілі бір тақырыптар қайта қайталанғанымен оқушылардың жас ерекшелігіне қарай жұмыс көлемі күрделенетіні анық. Осы тіл дамыту курсына жасалған бағдарламам арқылы нәтижелі көрсеткішке жеткенімді өз тәжірибемнен байқадым.

Тіл дамыту үйірмесі бойынша апталық сағаты – 1сағат, жылдық сағаты – 34 сағат.

Мақсаты: орыс және өзге ұлт балаларының қазақ тілін жете меңгеруі, оқушының қабілетінің жеке дамуы, шығармашылық ойлау қабілетінің дамуы және рухани ішкі дүниесін тәрбиелеу.

Міндеттері :

- орыс тілді мектеп оқушыларының қазақ тілінде ауызша, жазбаша қарым-қатынас жасау қабілеттерін арттыру.

- сөздердің лексикалық – логикалық үйлесімі келіскенде ғана сөз мағыналы болатынын ұғындыру.

- тұлғаның ең басты функциялық сапалары белсенділік, шығармашыл тұрғыда ойлауға және шешім қабылдай алуға үйрету.

Жүктемесі үйірме жұмысы 9 – сынып оқушыларына арналған. Аптасына 1 сағат бөлінеді. Жалпы жылдық сағат саны – 34.

Бағдарламаны іске асыру шарттары :

Балалардың толық қатысуы;

Семинарларға, педагогикалық және әдістемелік кеңестерге қатысу;

Балалардың жас ерекшеліктерін ескеру;

Күтілетін нәтиже :

Бағдарлама нәтижесінде оқушылардың бойында Отанға деген сүйіспеншілік, ұлттық рух, ұлттық мақтанышы, ұлттық намысы, ана тілі мен ұлттық мәдениеті қалыптасады. Инабатты, ел-жұртын, атамекенін сүйетін, салт-дәстүрін сыйлайтын, үлкенге құрмет, кішіге ізет көрсете алатын нағыз ұлттық намысы жоғары, ұлтжанжы азамат болып шығады.

Пайдаланған әдебиеттер:

1.Қазақ тілі мен әдебиеті орыс мектебінде.Республикалық ғылыми-педагогикалық басылым. 2010,2011,2012,2013ж.

2.Қазақ тілі, оқулық - тесті. Шың кітап, Алматы 2012ж.

Тақырыптардың сағаттық бөлінісі (34 сағат)