ТЖБ 5 сынып Қазақ тілі мен әдебиеті

3-ТОҚСАН БОЙЫНША ЖИЫНТЫҚ БАҒАЛАУ СПЕЦИФИКАЦИЯСЫ

Жиынтық бағалауға шолу

Ұзақтығы: 40 минут

Тыңдалым - 10 минут

Оқылым – 10 минут

Жазылым – 20 минут

Айтылым сабақтан тыс тексеріледі (әр білім алушыға 2 минут беріледі)

Балл саны: 30

Тапсырмалар түрлері

Бір және көп таңдауы бар сұрақтар

Қысқа жауапты қажет ететін сұрақтар

Толық жауапты қажет ететін сұрақтар

Жиынтық бағалаудың құрылымы

Тоқсандық жиынтық бағалаудың нұсқасы 4 компоненттен тұрады. Бірінші компонент - тыңдалым, екінші компонент - оқылым, үшінші компонент - жазылым және тілдік бағдар, төртінші компонент - айтылым дағдыларын тексеруге арналған.

Денсаулық – зор байлық

Менің Тәуелсіз Қазақстаным

Аспан әлемінің құпиялары

Компьютердің тілін табу – өнер

Тоқсандық жиынтық бағалау тапсырмаларының сипаттамасы

*Тапсырма

Қамтылатын мақсаттар

Тапсырмалар түрлері

*Тапсырмалар сипаттамасы

*Орындау уақыты, мин

Балл

5.1.4.1 фольклорлық және шағын көлемді көркем әдеби мәтіндердің мазмұнын түсіну

Бір және көп таңдауы бар және қысқа жауапты қажет ететін сұрақтар

Тапсырма жеке орындалады. Білім алушылар 152 сөзден тұратын тақырыпқа қатысты мәтінді 2 рет тыңдайды. Білім алушылар мәтінді тыңдау барысында мәтіннің мазмұнына негізделген бірінші тапсырмада нұсқалардың ішінен дұрыс жауабын таңдайды.

Екінші тапсырмада мәтіннен мазмұнына сай келетін екі мысал келтіреді. Үшінші, төртінші тапсырмаларда мәтін мазмұны бойынша берілген сұрақтарға өз сөздерімен сөйлем құрастырып, жауап береді.

Мұғалім білім алушының мәтін мазмұнын түсініп, сұрақтарға жауап бере алуын бағалайды.

5.3.4.1 мәтіндердің тақырыбын, мазмұндық құрылымын салыстыру

Бір және көп таңдауы бар сұрақтар

Тапсырма жеке орындалады. Білім алушылар екі түрлі тақырыптағы, стильдегі, жанрдағы мәтінді оқиды. Бірінші, тапсырмада мәтін мазмұнына қатысты ақпараттарды тауып, көрсетеді. Екінші тапсырмада мәтіндердің тақырыбын анықтайды Үшінші тапсырмада мәтіннің стильдік ерекшеліктеріне мән беріп, берілген сұраққа жауап береді.

5.4.4.1 ресми стильдің тілдік ерекшеліктері мен талаптарын дұрыс қолдана отырып, хабарландыру жазу

Жазбаша толық жауапты қажет ететін сұрақтар

Тапсырма жеке орындалады. Берілген тақырыптардың бірін таңдап, білім алушылар ресми стильдік қағаздарды жазуға қойылатын талаптары туралы берілген түсінік жазбамен танысып және қолдана отырып, жанрлық ерекшеліктеріне сәйкес ресми стильде хабарландыру құрастырып жазады.

5.2.6.1 тірек сөздерді дұрыс қолданып иллюстрацияларды сипаттау

Толық жауапты қажет ететін сұрақтар

Тапсырма жеке орындалады. Білім алушыларға бөлімдердің әрқайсысына қатысты иллюстрациялық суреттер мен шаблондық фразалар беріледі. Мұғалім білім алушының клишеге сүйеніп суретті сипаттай алуын, ойын ауызша жеткізуін бағалайды.

Тыңдалым сабақтан тыс, қосымша уақытта өткізіледі (әр білім алушыға 2 минут беріледі)

Барлығы

40 минут

file:///C:/Users/Admin/Downloads/search.html

Тыңдалым

Мәтінді мұқият тыңдап, төмендегі тапсырмаларды орындаңыз. 10 минут

Фастфуд тағамдарының зияны

Фастфуд – денсаулыққа зиян тигізетін тағам екенін әрбір адам біледі.

«Fast food» деген сөз, ағылшын тілінен аударғанда «жылдам тамақ» дегенді білдіреді. Фастфудтың иелері жылына бірнеше миллиард доллар табыс табады. Бұл өнімдердің тұтынушылары миллионнан асады.

Фастфуд – ыңғайлы, жылдам және арзан болғанына қарамастан, оның бір кемшілігі бар – ол денсаулыққа зиянды. Оған дәмді күшейтетін және иіс шығаратын қоспалар қосылады. Фастфудтың адам ағзасына тигізетін кері әсері болады.

Ең басты кемшіліктерінің бірі – калорияның көп болуы. Ол семіздікке әкелетін басты себеп. Фаст-фуд өнімдерінде пайдалы компоненттер өте аз, оны жиі жейтін адамда витамин жетіспеушілігі болады. Консервант – ең зиянды қоспалардың қатарына жатады. Өндірушілер оның көмегімен сақтау мерзімін ұзартады. Фастфуд жейтін адамдар семіздіктен зардап шегуде. Бұған кінәлі әрине – фастфуд өнімдері. Аллергияларға бейім адамдарға оны қолданбауға кеңес беріледі

Қазақстанда үй тағамының орнына, гамбургер мен фри картобын таңдайтын адамдардың саны көбейіп келеді. Біздің елде мұндай келеңсіз көрініс әлі орын алмаған. Бірақ болашақта осы проблемаға тап болуымыз мүмкін.

Денсаулығыңызды ойлайтын болсаңыз, үй тағамдарын жеуге тырысыңыз. (152сөз)

Фото: hi-news.ru

Толығырақ: http://faktiler.kz/fastfood-tagamdarynyn-ziyany/

Назарға: мәтінге оқушылардың жас ерекшеліктеріне сай өзгертулер енгізілді.

1.«Fast food» деген сөз нені білдіреді?

А) Зиянды тамақ

В) Жылдам тамақ

С) Дәмді тамақ

Д) Пайдалы тамақ

2. Фастфуд тағамы адам ағзасына қандай зиян келтіреді? Мәтіннен екі мысал келтіріңіз.

а)__________________________________________ [1]

ә)_________________________________________ [1]

3. Фастфудтың қандай кемшілігі бар?

4.Фастфудқа қандай қоспалар қосылады?

Оқылым 10 минут

Мәтінді мұқият оқып, төмендегі тапсырмаларды орындаңыз.

А мәтіні

Бурабай көлі туралы аңыз

Ертеректе Көкшетау жерінде аппақ, әдемі бура мекен етіпті. Ол өзгелерден бөлек, жалғыз жүретін. Бура қалың орман ішін кезіп, шөліркегенде Күміскөлге келіп шөлін басатын еді. Күміскөл - оның тыныстайтын сүйікті жері.Бура ерекше қасиетке ие болған. Елге қауіп-қатер, соғыс, жұт төнгенде, боздап, елдің тынышын алатын. Оның белгісіне үйреніскен халық бураны айрықша жақсы көріп, қадірлеген.

Күндердің күнінде елге зұлым жау шабады. Бура әдеттегідей белгі беріп, бәрі тығылып үлгеріп, жан сақтап қалады. Бәріне бура себеп екенін білген зұлымдар оның ізінен түсіп, өлтірмек болады. Ну орманда жүрген бура зәлімдерге кез болады. Олардың бірі садағын кезеп, дәл бураның жүрек тұсын көздейді. Садағын атып кеп жібергенде жебе кеуде тұсынан кіріп, өркешінен шығады. Жан дауысы шыға аңырап, боздаған бура зұлымдарға қарай жүгіреді. Атына қамшысын басқан олар бытырай қаша жөнеледі. Бір сәтте бура кері бұрылып, Күміскөлге беттейді. Сүйікті мекеніне келіп, жата кетеді. Осылайша жан тапсырады.

Мұнан кейін жұрт бұл жерді Бурабай атап кеткен. (144 сөз)

https://abai.kz/post/72908

Әсел Қаржаубайдың Facebook-тегі парақшасынан алынды.

Abai.kz

Ә мәтіні ХАБАРЛАНДЫРУ

Құрметті оқушылар, сынып жетекшілері!

Ертең, яғни 10 желтоқсан күні, сағат 15.00-де мектептің мәжіліс залында «Тәуелсіздік төрінде» атты өлеңдерді мәнерлеп оқу сайысы өткізіледі. Сайысқа 3-4-і сынып оқушылары мен 5-7-і сынып оқушылары қатысады. Алға озып шыққан жеңімпаздар марапаттау қағаздарымен марапатталады.Келіңіздер! Күтеміз.

Сайысты ұйымдастырушылар:

қазақ тілі мен әдебиеті мұғалімдерінің әдістемелік бірлестігі

(51сөз)