ТЖБ 5 сынып Қазақ тілі мен әдебиеті

1-ТОҚСАН БОЙЫНША ЖИЫНТЫҚ БАҒАЛАУ СПЕЦИФИКАЦИЯСЫ

Жиынтық бағалауға шолу

Ұзақтығы:40 минут (уақыт оқылым мен жазылым жұмысына арналған. Тыңдалым мен айтылым сабақтан тыс, қосымша уақытта өткізіледі)

Оқылым – 15 минут

Жазылым – 25 минут

Балл саны: 30

Тапсырмалар түрлері

Жабық тапсырмалар

Толық жауапты қажет ететін тапсырма

Жиынтық бағалаудың құрылымы

Тоқсандық жиынтық бағалаудың нұсқасы 3 компоненттен тұрады: біріншісі -тыңдалым, айтылым, екіншісі - оқылым, үшіншісі - жазылым және әдеби тіл нормаларын тексеруге арналған.

Тоқсандық жиынтық бағалау тапсырмаларының сипаттамасы

*Тапсырма

Қамтылатын мақсаттар

Тапсырмалар түрлері

*Тапсырмалар сипаттамасы

*Орындау уақыты, мин

Балл

5.1.2.1Әлеуметтік-тұрмыстық, әлеуметтік-мәдени, тақырыптарға байланысты диалог, монологтердегі (ән мәтіні, хабарлама, жарнама, хабарландыру) көтерілген мәселені түсіндіру

Толық жауапты қажет ететін сұрақтар

Оқушыларға 65-70 сөзден тұратын тақырыпқа қатысты мәтіндер беріледі, оқушы жеке отырып оқиды.

Оқушылар мәтінді тыңдау барысында тақырыпқа қатысты көтерілген мәселені мазмұндап айтуы қажет.Тапсырма жұппен орындалады. Тыңдаушы жұбы мәтін мазмұны бойынша сұрақтар қояды. Дәл осылай екінші оқушы тапсырманы қайталайды. Бағалау екі оқушыға жеке- жеке қойылады. Тапсырма оқушының тыңдаған мәтінін лексикалық бірліктерді көркемдік ерекшелігіне сай қолдануын бағалайды.

Тыңдалым мен айтылым сабақтан тыс, қосымша уақытта өткізіледі (әр білім алушыға 3-5 минут беріледі)

5.2.3.1 Хат, хабарлама, жарнама, нұсқаулық, хабарландырудың құрылымы мен ресімделуі арқылы жанрлық ерекшеліктерін ажырату

5.4.1.1 Қазақ тілінің дыбыстар жүйесін, үндестік заңын, емлелік ерекшеліктерін ескере отырып, орфографиялық нормаға сай жазу

Жабық тапсырма

Мәтінді оқып, мазмұны негізінде берілген сұрақтарға жауап береді және мәтінге қатысты өз пікірін, көзқарасын 2-3 сөйлеммен жазады.

Жұмысында жанрлық, стильдік ерекшеліктерді ескеруі, көркемдегіш құралдарды орынды қолдануы, орфографиялық нормаға сай жазуы бағаланады.

5.3.5.1 Оқылым және тыңдалым материалдары бойынша негізгі ақпараттарды сақтай отырып, жинақы мәтін жазу

5.4.1.1 қазақ тілінің дыбыстар жүйесін, үндестік заңын, емлелік ерекшеліктерін ескере отырып, орфографиялық нормаға сай жазу

Жазбаша толық жауапты қажет ететін тапсырма

Білім алушылар ұсынылған екі тақырыптың бірін таңдап, жазба жұмысын (жинақ мәтін) орындайды.

Жазба жұмысында жұрнақ арқылы жасалған туынды сөздерді, күрделі сөздерді орынды қолдануы, орфографиялық нормаға сай жазуы бағаланады.

Барлығы

40 минут

Тапсырмалар және балл қою кестеcі үлгісі

«Қазақ тілі » пәнінен 1-тоқсан бойынша жиынтық бағалау тапсырмалары

Тапсырма

Мәтінді мұқият оқыңыз.Тақырыпқа байланысты көтерілген мәселені анықтап,өз көзқарасыңызды аргументтер мен мысалдар арқылы дәлелдеңіз.

Жұбыңызды тыңдап,оның мәтіні бойынша маңызды деп санайтын екі сұрақ қойыңыз.

1-мәтін Әдеп

Бір жұрттың бас әкімі екінші бір байға жолығысып сөйлесіп тұрғанда,қасынан бір жарлы мұжық өтіп бара жатып иіліп,бас ұрып сәлем берді дейді.Оған қарсы әлгі үлкен әкім төре онан да төменірек бас ұрып сәлем алды.

Қасындағы бай:

-Тақсыр,осынша жұрттың үстінен қараған әкімсіз,осы бір мұжыққа неге сонша бас ұрасыз?-деп айтты.

Сонда әкім:

-Ешбір ілім-білім үйренбеген мұжық сонша иіліп,әдептілігін көрсеткенде,мен онан әдепсіз болып қалайын ба?-дейді. (71 сөз) Ы.Алтынсарин. “Өнер-білім бар жұрттар.”Алматы. “Жалын” 1991.

2-мәтін

Сыпайылық – тәрбиенің белгісі Сыпайылық – адам бойындағы құнды қасиеттердің бірі. Сыпайы болу, әйел затына да, ер адамға да тән. Әсіресе бұл қасиет, қыз баласының бойынан табылу қажет. Сонау ата-баба заманынан, біздер үшін, яғни, қазақ халқы үшін тәрбиенің маңызы зор екені бәріне белгілі. Ал тәрбиелікке не жатады?! Оған: үлкенге құрмет, кішіге ізет, қарапайымдылық сынды қасиеттер жатады, ал айтылған қасиеттердің барлығы сыпайылықтан бастау алмайды ма?! Демек, сыпайылық – тәрбиенің белгісі...(64 сөз) Толығырақ: https://massaget.kz/blogs/9426/

Балл қою кестесі

Тыңдалым және айтылым

Балл

Грамматика мен лексиканы дұрыс қолдануы

Сұрақты түсіну мен толық жауап беру қабілеті

Грамматикалық және лексикалық құрылымдардың қолдану аяларын өте жақсы түсінеді.

Сөз саптауы дұрыс, анда-санда мардымсыз қателержібереді.

Тақырыпты өте жақсы түсінеді.

Күтпеген сұрақтарға жауабы тез, әрі орынды.

Талқылау кезінде өз ойын толық жеткізе алады.

Грамматикалық және лексикалық құрылымдардың қолдану аяларын жақсы түсінеді.

Сөз саптауы дұрыс, анда-санда қателер жібереді.

Тақырыпты жақсы түсінеді.

Күтпеген сұрақтарға жауабын ойланып, әрі орынды жеткізеді.

Талқылау кезінде өз ойын түсінікті жеткізе алады, бірақ кейде сырттан қолдауды қажет етеді.

Грамматикалық және лексикалық құрылымдарды қолдану аяларын орташа түсінеді.

Сөз саптауы дұрыс, қателері байқалғанмен, түсінуге кедергі тудырмайды.

Тақырыптың негізгі тараптарын түсінеді, бірақ күрделі сұрақтарды талдауда едәуір қиналады.

Күтпеген сұрақтарға жауап беруде қиналады.

Талқылау кезінде қолдауды қажет етеді, жауаптарын алдын ала дайындап келгендей көрінеді.

Грамматикалық және лексикалық құрылымдарды қолдану аяларын аздап түсінеді.