Вагондарды бөлшектеу бойынша конспект материалы

Вагондарды бөлшектеу

Тазалап болғаннан соң вагондар бөлшектеуге беріледі. Бөлшектеу жұмысының көлемі вагон жөндеудің түріне байланысты болады және жөндеу бойынша ережелермен, техникалық талаптармен, нұсқаулармен белгіленеді. Вагонның маңызды бөліктері, әсіресе пойыз қозғалысының қауіпсіздігі байланысты болатын бөліктерін жеке бөлшектейді. Оларды күрделі жөндеу кезінде де, деполық жөндеудегідей ашып бөлшектейді, мұқият қарайды және жөндейді. Мұндай бөліктерге: арбашықтар, доңғалақ жұптары, буксалық жинақтар, тежегіш құралдары, тербеліс өшіргіштері, автотіркегіш құрылғысы, кейбір электр жабдықтары жатады. Бөлшектеу тәртібі және бөлшектеу операцияларын бір мезгілде жүргізу мүмкіндігі технологиялық үрдіспен анықталады. Жеке жинақ бірліктері мен тетіктерді вагон жинау өндірістік учаскесінде бөлшектеуге болады.

Бөлшектеу арнайы бөлінген және осы үшін жабдықталған орындарда немесе бөлшектеу учаскелерінде жүргізіледі.

Бөлшектеуді арнайы бөлінген позицияларда ұйымдастыру кезінде бөлшектердің шашылып қалуын болдырмауға және жөндеу және құрау позицияларында вагон жинау өндірістік учаскесіндегі ластануды төмендетуге; жұмыс орындарын арнайы аспаппен, механикаландырылған бөлшектеу құрылғыларымен және ауыр жабдықтарды шығаруға арналған жүк көтергіш механизмдерімен жарақтандыруға; бөлшектеу позицияларын стационарлық және көтергіштік бөлшектеу жабдықтарымен, газбен кесу жұмыстары кезінде оттегі мен газ беру құбырларымен және басқа коммуникациялармен (сығымдалған ауаға, күштік және жарықтандыру электр энергиясына арналған), сондай-ақ, желдеткіш қондырғыларымен жабдықтауға; бөлшектеу үрдісін мамандандырылған бригадалармен ұйымдастыруға: бөлшектеу уақытын азайтуға, т.б. мүмкіндік туады.

Вагон бөлшектеу технологиялық үрдісі жөндеу өткізуге қабылданған ұйымдастыруды және жұмыс істеп жатқан кәсіпорынның жергілікті жағдайларын ескеруі тиіс.

Вагон бөлшектеуді 7-8 бөлшектеу позициясынан тұратын механикаландырылған ағындық желілерде келесі тәртіпте жүргізеді: ағаш қаптамасын шығарады (артынан оны вагон жинау өндірістік учаскесінде металл қаптамаға ауыстырумен бірге), жабық вагонның тұтас металл шанақтарының ішкі бетіненжұқа тақтайды, ағаш-талшықты тақтаны, еден тақтайларын, арнайы жабдықтарды шығарады; жабық вагондардың металл шатырларын, сондай-ақ траптар мен баспалдақтарды кесіп тастайды; жылжымалы есіктерді, жартылай вагон люктерінің қақпақтарын шығарады; тежегіш жабдықтарын (иінтіректік берілісті, автореттегішті, тежегіштік магистральді ауа таратқышты, тежегіш цилиндрлерін, жұмыстық және артық тұрған резервуарды) бөлшектеп шығарады; шанақ пен рама бойынша газбен кесу жұмыстарын жүргізеді; дәнекерлеу болатын орындарды тазалайды, вагонды қабатталып кетекен таттан тазартады; вагонның жуылуын екінші қайтара жүргізеді.

Бөлшектеу учаскесінен вагонды түзету учаскесіне береді, ол жерде шанақ пен раманың барлық майысқан тұстарын арнайы гидравликалық стендтер мен түзету машиналарының көмегімен жөндеп, түзетеді, жарықтарды, пісіру жіктерін қалпына келтіреді. Тұтас металды жолаушы вагондарының алғашқы күрделі жөндеуінде (КР-1) желдеткіш агрегаттарын және егер бар болса, ауа кондиционерлеу қондырғыларын қайта ашады; желдеткіш фильтрлері мен төбелік желдеткіштерді шығарады; ішкі жабдықтардың бөлшектерін (айналар, қол жүк торлары, ілгіш ілгектері), есік құлыптары мен тұтқаларын, ішкі және шығу есіктерін шығарып алады; жиһазды бөліп ашады; қазандық бөлімінің арақабырғаларын, қазанды, кеңейткішті, су бактарын, циркуляция сорғыларын, жуыну табақтары мен унитаздарды шығарады; жылыту және су құбырларын, арматураны ажыратады; су қайнатыштар мен өртке қарсы құралдарды шығарып тастайды; терезелерді, тамбур төбелерін, дәліздер мен дәретханаларды толық ашып бөлшектейді, қажет болған жағдайда тамбур есіктерін шығарады; вагон астылық жлектр машиналарын, ресотаттарды, электр қалқандарын, шоғырлағыштық шоғырлағыш (акккумуляторлық) батареяларды, серпімді алаңшаларды, автотіркегіш құрылғысын шығарады.

Екінші күрделі жөндеуде (КР-2) бөлшектеу жұмыстарының көлемі біршама ұлғаяды. Вагон шанағының іш жағының кейбір бөліктері бөлшектеледі (ашылады). Дәретхана арақабырғалары, желдеткіш каналдары, дәретхана…