Жаңа әдіс-тәсілдерді қолдануға арналған коучинг жоспары

Ақтөбе облысы,Шалқар қалалық №8 ЖОББМ қазақ тілі мен әдебиеті мұғалімі,мектеп тренер З.Н.МАМБЕТОВА

Коучинг

Коучингтің тақырыбы:

Жаңа тәсілдер арқылы оқушы қызығушылығын қалай арттыруға болады?

Жалпы мақсаты:

Сабақ үрдісіндегі жаңа әдіс- тәсілдердің оқытудағы маңызын ажырату.Оқушыны дамытатын дағды мен қабілеттерді анықтау, белсенді оқыту стратегиялары бойынша тәжірибе алмасу.

Оқу нәтижелері:

Оқу үрдісінде жаңа-әдіс-тәсілдердің маңыздылығын түсінеді;

Оқытудағы жаңа әдіс- тәсілдердің тиімділігін ұғынады,

Жаңа-әдіс-тәсілдерді сабақта қолдануды үйренеді;

Түйінді идеялар:

Тиімді әдіс-тәсілдер - мұғалімдер балалардың оқуға деген қызығушылығын оята алатын пәрменді тетік. Жаңа тәсілді қолдану арқылы мұғалімдер балалардың білім алу сапасына үлкен ықпал ете алады. Балалардың білімі мен идеясын анықтауға бағытталған шынайы әрекет оларды оқыту үдерісіне тартуға,қызығушылығын арттыруға ыңғайлайды

Тренинг

“Менің жиі қолданатын әдісім ... ”» Әдіс атауларымен топқа бөліну.

Қызығушылықты ояту

.2. «Құмырсқалар» бейнефильмі

Бейнефильмнен қандай процесті байқадыңыздар?

.Ой қозғау.

«ББҮ» әдісі бойынша жаңа әдістерге байланысты топ кесте толтырады

Бірлескен жұмысқа негізделген тәсіл

Топ мүшелері білетін әдісін шеберлікпен сұраныс бойынша түсіндіреді Жаңа тәсілді сабаққа қалай енгізетінін қалай пайдалануға болатынын анықтау.

Мағынаны тану

. Жаңашыл әдістер бойынша жұмыс

Дөңгелек үстел»әдісі Топ мүшелерінің бірі жаңа тақырыптан түйгені бойынша бір сөйлем жазады. Әрі қарай топтың әр мүшесі бір сөйлемнен жалғастырып жазады. Соңынан әр топ құрған мәтінін кезекпен оқиды. (Бұны ауызша да орындауға болады)

«Бір айналым сөйлесу» Топтың санына қарай тақырыптар жазылады. Топтың оқыған тақырыбына қарай әр оқушы бір сөйлемнен жалғастырып жазып, 4-5 сөйлемнен тұратын логикалық байланысқан мәтін құрастырады

«Араласып кеткен оқиғалар»Мәтін бір бет қағазға жазылып, бөлімдер бойынша бірнеше бөлікке бөлініп қырқылады. Ол бөліктер партаның бетіне орындарын ауыстырып, араластырып жайылып қойылады. Мазмұны жағынан әртүрлі мәтін беруге болады. Оқушылар осы мәтіннің бөліктерін оқып, мазмұнына қарай ретін тауып құрастырады. Әр топқа құраған мәтінінің мазмұнын айтқызуға болады.

Ішіне,сыртына” әдісі Оқушы алдына төмендегідей кесте беріледі. Мұғалім өтілген тақырыпқа қатысты да,қатысты емес те сөздерді айтады .Оқушы тақырыпқа қатысты сөздерді “ішіне” бағанына,қатысты емес сөздерді “сыртына”бағанына жазады

Кері байланыс

Стикерлерге :

Коучингтің әсері қандай ?