Жеке тұлғаға бағытталған сабақ туралы баяндама

Тақырыбы: Жеке тұлғаға бағытталған сабақ

Баланың жеке тұлға ретінде дамуы, өзіндік көзқарасының қалыптасуы, ой- өрісінің кенеюі мектеп қабырғасында басталады. Сондықтан бағдарлы оқытуды процесс жеке тұлғаға бағдарланған оқыту принціпіне негізделіп, баланың жеке ерекшелігіне қарай қоғамдағы өзгерістерге бейім даму мүмкіндігін айқындауды қарастырады. Әдетте мектептерде балаларда қызығушылық пен көтеріңкі көңіл- күй туғызатын, түрлі шығармашылық тапсырмаларға толы сабақтар кеңінен қолданылады. Әрине алуан түрлі - әдіс тәсіл сабақтың тартымдылығын арттырып, оны қызықты да нәтижелі еткенімен, барлық сабақты жеке тұлғаға бағытталған сабақ деп санауға негіз болмайды. Жеке тұлғаға бағытталған сабақ дегеніміз- бұл мұғалімнің шығармашылық орта қалыптастыруы ғана емес, оқушылардың субьект ретіндегі өмірлік тәжірибесін үнемі назарда ұстауы, сол тәжірибеге сүйенуі. Ең маңыздысы -әр оқушының ерекше болмысын, тұлғалық қасиеттерін мойындау. Жеке тұлғаға бағытталған сабақ дегеніміз – оқушыға деген құрмет, ізгі қатынас, оқушылардың тұлғалық ерекшеліктері ашылатын, қасиеттері қалыптасатын, мүмкіндіктері жүзеге асырылатын оқыту жағдаяттары сахналық алаң. Әр баламен жеке жұмыс жүргізуді қажет ететін жеке тұлғаға бағытталған сабақты жоспарлау

Қазіргі сабақтың негізгі компонентері: 1. Ұйымдастырушылық – сабақ бойы сынпты ұйымдастыру, оқушылардың сабаққа дайындығы, тәртіп. 2. Мақсаттылық – оқушылар алдына сабақ мақсаты мен оның жеке кезеңдерінің мақсатын қою 3. Ынталандырушылық – оқылатын оқу материалының берілген тақырып бойынша да, жалпы курс байынша да, маңыздылығын анықтау. 4. Коммуникативтік – мұғалімнің сыныппен қарым- қатынасы.

5. Мазмұнды – оқылатын, бекітілетін, қайталанатын, өзіндік жұмыстар, т.с.с материалдарды таңдау. 6. Технологиялық –сабақ типіне, берілген тақырыпқа, берілген сыныпқа арнап тиімді оқыту түрін, әдісі мен тәсілдерін таңдау. 7. Бақылау- бағалаушылық – сабақтағы оқушы іс әрекетін бағалауда оны белсенділікке ынталандыру, танымдық қызығушылығын дамыту үшін пайдалану қолдану. 8. Аналитикалық – (талдау ) – сабақты қорытындылау, сабақтағы оқушылар іс- әрекетін талшдау, сабақты ұйымдастыру бойынша өз әрекетінің нәтижесін талдау.

Мұғалімнің сабаққа дайындалуы: Сабаққа дайындық барысындағы мұғалім әрекетінің алгоритмі: 1. Сынып оқушыларының ерекшелігін есепке алу: - сынып деңгейі - оқушылардың пәнге қөызығушылығы - сыныптың жұмыс қарқыны - білім, білік, дағдының қалыптасуы - әр түрлі жұмыс әрекетіне қарым- қатынасы - оқу жұмысының әр түріне, сонымен қатар дәстүрден тыс жұмыс - түрлеріне қатысы: - оқушылардың жалпы тәртібі

2.Жеке ерекшеліктерін есепке алу: - жүйке жүйесінің типі -тіл табысушылығы -көңіл- күйінің өзгеруі, эмоционалдылығы -өз білімі мен біліктілігіне сенімділігі -импровтзация жасай білуі - техникалық оқу құралдары мен электронды есептеу техникасын, түрлі оқу құралдарын пайдалана білуі.

3.Сабақты жақсы өткізуге мүмкіндік беретін ережелерді сақтау: Жалпы ережелер: 1. Сабақтың тақырыптағы, тақырыптың жылдық курстағы орнын анықтау, сабақтың жалпы міндеттерін бөлу: 2. Сабақ тақырыбына қатысты үш түрлі ғылыми, ғылыми- көпшілік, әдістемелік кітаптарды таңдап алу, оларды мазмұнымен танысу.