Жүрек жылуы 2 сыныпқа арналған сыныптан тыс жұмыс

Сабақтың тақырыбы: Жүрек жылуы.

Табиғатағы барлық жылу-күннен,

Өмірдегі барлық жылу-адамнан.

М.Пришвин. .Оқыту мен тәрбиелеудің міндеттері:

Мейірімділік,қайырымдылық тураплы түсініктерін кеңейту;

қамқорлық жасауға жетелеу;

мейірімділікке тәрбиелеу.

Мақсаты: «Қайырымдылық», «мейірімділік» адамгершілік құндылықтары туралы түсініктерін кеңейту.

Көрнекі құралдар: үнтаспа,тауық пен балапандардың суреті,дәптер,оқулық.

Шаттық шеңбері Балалар шеңбер құрып тұрады,мұғаліммен бірге Ж.Әділжанқызының өлеңін қосылып айтады. Күлімдеп күн бүгін,

Қарады маған да. (қолдарын кеуделеріне қояды)

Күлімдеп күн бүгін,

Қарады саған да (қолдарын көршісінің кеудесіне қояды)

Шуақпен төгіп нұр.

Күлімдеп күн ертең,

Қарайды маған да. (қолдарын кеуделеріне қояды)

Күлімдеп күн ертең,

Қарайды саған да (қолдарын көршісінің кеудесіне қояды)

Шуақпен төгіп нұр.

“Қадір-қасиет” жаттығуы

Жаттығу танысу үшін жасалынады. Әркім кезекпен өз есімін атап, есіміне қоса өзінің бойындағы қасиетін айтады.

Мысалы:

Төзімді Салтанат

Қайырымды Айгүл

Ибалы Дина

Сыпайы Динара

Сіздің көңіл – күйіңіздің түсі қандай?

Сары-өзін де басқаны да қуантып жүретін адамдар.

Көк-байсалдылық,қанағатшылдық белгісі.

Жасыл-жүрген ортасында белсенді адамдар.

Ақ-мейірімді адамдар.

Қызыл-алдыға мақсат қойса жетпей тынбайтын адамдар.

Қызғылтсары-тағы не айтады,бара көрерміз деген өте қарапайым адамдар.

Қара-ішімдегіні тап деп қарап отыратын тұйық мінезді адамдар .

Қоңыр-қонақжай адамдар.

Көгілдір-адамгершілігі,түсінігі мол адамдар.

Күміс түсті-тез ашулана қоймайтын жүйкесі мықты адамдар.

«Менің жағымды және жағымсыз жақтарым» жаттығуы

Алдарыңызға берілген екі беттен тұратын жүрекшенің бір жағына жағымды, бір жағына жағымсыз қасиеттеріңізді жазыңыздар.

Жағымсыз жақтарыңызды ешкім көрмесін, жыртып қоқыс жәшігіне тастаңыздар, жағымсыз жақтарыңыз осымен кетсін.

Ал жағымды жақтарыңызды жүрек жақ кеуделеріңізге іліп қойыңыздар. Енді сіздердің бойларыңызда жағымды қасиеттер ғана қалды.

«Кел,ойнайық»сергіту сәті

1.Өтірік айту жаман қасиет дегендерің, қол соғайық

2.Жақсы адам болғыларың келсе, орнымыздан тұрайық.

3.Жалқаулық жаман қасиет дегендерің,отырайық.

4.Жүректері мейірімділікке толы адамдар «Мен» деп айқайласын.

5.Адамгершілігі мол адамдар екі қолдарын көтерсін.

6.Көңіл-күйлері жоғары адамдар,аяқты еденге соғайық.

7.Осы мектеп туралы жақсы ой-пікірдегі адамдар бір-бірінің қолын алсын.

«Қара күйе көбелегін аулау»

жаттығуы

Өтірік айту-ауада.

Мақтаншақтық-көршіңіздің иығында.

Күйзеліс-жүректеріңізде.

Қатыгездік-бауырларыңызда.

Ашу-ыза –ауыздарыңызда.

Жалқаулық-желкелеріңізде.

Дау-жанжал-бастарыңызда

Өсек-құлақтарыңызда.

Тойымсыздық-қарныңызда.

Өкпешілдік-өкпеңізде.

Еріншектік-тізелеріңізде.

Зорлық-алақандарыңызда.

"Адамгершілік жүрегі"

жаттығуы

Жүректерің шыдамды және

мейірімділікке

толы болып, жат қасиеттерден

аулақ болсын!

Тыныштық сәті. Релаксация

Базар" жаттығуы

«Ақ тілек»

жаттығуы

Құрметті достым!

Саған асқан шыдамдылық,қиыншылықтарға төзімділік,ерекше ұстамдылық тілеймін!

Ата-анаңның, туған –туыстарыңның, ұстаздарыңның тілегі-сенің жақсы адам болуың, еңбексүйгіштігің, оқу мен еңбектегі табыстарың.

Өмір дегеніміз арнасы кең өзен. Сол өзеннен жаман әдеттерден аулақ болып өз арнаңды тауып ағуың – басты мақсатың.

Иманды бол! Иманды ұрпағы бар елде ізгілік пен адамгершілік салтанат құрып, қылмыс пен бұзақылық тыйылып, оларға жол қалмайды.

Еңбекқор бол! Еңбек-шын инабаттылықтың көрінісі. Барлық қуаныштың, дүниедегі барлық жақсылықтың көзі-еңбек екенін зердеңе ұялат. Ғұмыр бойы бақытты болғың келсе, адал адам бол!

Осы сөздерді есте сақтап, жүрегіңде қалдыр.

Жігер деген-Мен

Күш деген-Мен

Махаббат деген-Мен

Кешірім деген- Мен

Құдірет деген- Мен

Жасөспірімділік деген- Мен

Жастық деген-Мен

Денсаулық деген-Мен

Ақылдылық деген-Мен

Жарқындық деген- Мен

Бар таңғажайып деген- Мен

Бәрі маған байланысты,

Бәрі менің қолымда

Өмірде жұлдыздарың жарқырасын!

Әңгімелесу

Үлкендер еркелеткенде қандай күйде боласыңдар?

Жақсы көретін адамдарға қандай тілек айтқың келеді?

Басмқаларға жақсылық жасаған кездерің болды ма?

Мәтінмен жұмыс Сабақтың тақырыбын ашу мақсатында О.Осееваның «Жай ғана әжей»мәтінін айтып беру.

Дәйексөз

-Қайырымды іс жасау оған мұқтаж адамның жанына жұбаныш болады.Ал өзің біреуге қайырымды іс жасағанда көңілің көтеріліп,жаның жай тауып,қуанасың,сол адамды қуантасың,қайырымды іс істей алатыныңа жақын туыстарың,достарың,айналаң қуанады.Әрбір адамның жүрегінде сондай жылу болса,бір-біріне қайырымдылық жасап жатса,әлемдегі адамдардың барлығы қуанышта,бақытта өмір сүреді.

Тапсырма Балалар өздері жақсы көретін адамдары туралы әңгімелеп,айтып береді

Жағдаяттарды талдау Оқулықта берілген суреттерге қарап,жағдаяттарды шешу.

Жаңа ақпарат Мейірімді адам,өзге адамғатуған-туыстарына,табиғатқа деген жанашырлық сезімін,қамқорлығын көрсетуге дайын тұрады.

Дәптермен жұмыс -Жүрегіңнен шыққан мейірімділік,қайырымдылық, жанашырлық ,жан жылуы кімдерге,нелерге арналатынын суретке қарап,бос торкөздерге жазу.

Жүректен жүрекке

Оқушылар сабақ соңында өздерінің жүрек түкпіріндегі жылы сезімдеріне ризашылықтарын білдіріді.

Оқушылар оң қолдарымен жүрек тұсын ұстап кезегімен мынандай сөздер айтады:

-Менің қайырымды жүрегіме рақмет!

-Менің мейірімді жүрегіме рақмет!